Scholz mosekên ku DYA wê li Almanyayê bi cih bike parast

PeyamaKurd – Serokwezîrê Almanya Olaf Scholz plana Dewletên Yekbûyî yên ji bo danîna moşekên dûravêj li Almanyayê bi hinceta ku ew ê bibin astengek parast.

Scholz di civîna çapemeniyê ya hevpar a li Berlînê ya bi Serokwezîrê Japonya Kishida Fumio re axivî, diyar kir ku ew bi fikarên ku ev biryar dikare bi Rûsyayê re bibe sedema rageşiyê qebûl nake. "Çekên ku menzîla wan heta 2,500 kîlometran heye, xwedî hêza bergiriyê ne û divê ji destpêkê ve pêşî li êrîşên pêşerojê bigirin."

Wî herwiha bi bîr xist ku wan dixwest pêşî li şerekî muhtemel bigirin û bi hevalbendên xwe re li hev kirin ku bi hev re pergalên dûravêj ava bikin. Olaf Şolz diyar kir ku bicihkirina moşekên Amerîkayê li Almanyayê bi stratejiya ewlehiyê ya wî welatî re lihevhatineke tam e û wiha got: "Ev rewş ji ber bandora xwe ya bergiriyê ewlehiyê zêdetir dike."

Serokwezîrê Almanya dûpat kir ku şandina çekan a welatê wî bo Ukraynayê wê bibe sedema aloziyeke rasterast ligel Rûsyayê û eşkere kir, “Bi heman awayî eşkere ye ku em di biryarên ku li vir didin de her tim ewlehiya welatê xwe û NATOyê li ber çavan digirin. Ev tê de piştrastkirina ku em têra xwe xurt in. Ev bê guman berevaniya asmanî û îhtîmala rêgirtinê dihewîne.”