Sererkanê Artêsa Amerîkayê: Mîsyona Sûriyê hêjayî rîskê ye

PeyamaKurd – Sererkanê Artêşa Amerîkayê Milley di hevdîtina ligel leşkerên Amerîkayê yên li Sûriyê de diyar kir, hebûna leşkerên Amerîkayê li herêmê ji bo şerê DAIŞê hêjayî metirsiyê ye.

Sererkanê Hêzên Hevbeş ên Amerîkayê Mark Milley bi serdaneke ji nişka ve çû bakurê rojhilatê Sûriyê.

Milley bi leşkerên Amerîkî yên ku li bakurê rojhilatê Sûrîyê bi cih bûne re kom bû, ji bo dîtina hewildanên ji bo pêşîgirtina ji nû kombûna DAIŞê û tedbîrên leşkerên Amerîkî yên li hember êrîşan.

Nûçegihanên ku bi wî re diçûn pirsîn: "Gelo hêja ye ku nêzî 900 leşkerên Amerîkî yên li Sûriyê têkevin xeteriyê?" Di bersiva pirsa wî de, Milley got, ev şande li ser ewlehiya Amerîka û hevalbendên wê ye û got, bersiv erê ye.

Wezareta Derve ya Sûriyê serdana Milley şermezar kir û ew serdana neqanûnî û binpêkirina serxwebûna welat bi nav kir.

Milley roja Înê li Îsraîlê hevdîtin pêk anî.

Di hevdîtina xwe ya li gel Wezîrê Berevaniya Îsraîlê Yoav Gallant Milley de diyar kir, ji bo Îran nebe xwedî çekên atomî hevkarî pêwîst e.

Milley li Îsraîlê daxuyaniyeke giştî neda. Peyvdarê wî welatî eşkere kir, Milley di hevdîtina xwe ya bi Serfermandarê Îsraîlê Herzî Halewî re li ser mijarên ewlekariya herêmê û hemahengiya li hember gefên Îranê gotûbêj kiriye.