Serok Barzanî bo salvegera kîmyabarana Helebceyê peyamek belav kir

PeyamaKurd – Serok Mesûd Barzanî bi boneya 33yemîn salvegera kîmyabarana Helebceyê, peyamek belav kir û diyar kir, hîn deng û hizra şovenîstî li Iraqê serdest e.

Serok Barzanî, îro li ser twitterê peyamek belav kir û da zanîn: ‘‘Cîhê şermeke mezin e piştî tawana kîmyabarana Helebce û ew jenosîda li dijî xelkê Kurdistanê pêk hatiye, hîn deng û hizra şovenîstî li Iraqê serdest e û dijatiya mafên gelê Kurdistanê tê kirin.’’

Îro 33 sal li ser kîmyabarana Helebce re derbas dibe, ku ji aliyê rejîma Beis ve pêk hat û ji ber wê jî 5 hezar hemwelatiyên bajar şehîd bûn û bi hezaran kesên din birîndar bûn, bi sedan kes jî belav bûn û ji malbatên xwe qut bûn.