Serok Barzanî: Tenê daxuyaniyên Berdevkê PDKê helwest û siyaseta fermî ya PDKê ye

PeyamaKurd - Serok Mesûd Barzanî, îro 11ê Çileyê 2022yan li ser hin daxuyanî û gotegotên di raya giştî de û li ser medya civakî bi navê PDKê têne belav kirin peyamek belav kir.

Serok Barzanî ew gotegotên têne belavkirin red kirin û ragihand, tenê daxuyaniyên fermî yên berdevkê PDKê siyaset û helwesta fermî ya PDKê ye.

Peyama Serok Barzanî:

Bi navê xwedayê bexşînde û mîhreban

Di heyama borî de di ragihandin û torên civakî de hin daxuyanî û nêrîn hatine belav kirin, ku gelek caran wek helwest û nêrîna PDKê têne hesibandin.

Em ji bo hemû aliyekî radigihînin ku her cûre daxuyanî û nêrînên wirde wê de û di bin çi nav û nîşanekî de pêwendî bi siyaseta PDKê ve tine û bila wek nêrîna fermî ya PDKê neyê hesibandin.

Tenê daxuyaniyên berdevkê fermî yê PDKê siyaset û helwesta fermî ya PDKê ye.

Mesûd Barzanî

11.01.2022