Serokê Herêmê besdarî merasîma vekirina Leyztikên Olîmpiyadê dibe

PeyamaKurd - Serokê Herêma Kurdistanê Nêçîrvan Barzanî li ser vexwendina fermî ya Serokkomarê Fransa Emmanuel Macron, beşdarî merasîma vekirina Leyztikên Olîmpiyadê yên Parîsê dibe.

Leyztikên Olîmpiyadê  ku piştî 100 salan li Parîsê tên lidarxistin, îro bi merasîma vekirina fermî dest pê dikin. 

Li gorî daxuyaniya Serokatiya Herêma Kurdistanê, Serokomarê Fransayê Emmanuel Macron vexwendnameyeke fermî ji Serokê Herêmê Nêçîrvan Barzanî re şandiye û daxwazê lê kiriye ku beşdarî merasîma vekirina Leyztikên Olîmpiyadê yên Parîsê bibe.

Di daxuyaniyê de hate diyarkirin ku Nêçîrvan Barzanî wê îro danê êvarê li Koşka Elyseeyê beşdarî merasima vekirina Leyztikên Olîmpiyadê ku gelek serkirdeyên cîhanê jî tê de amade ne bibe.

Li gorî organîzatoran, tê payîn ku wê herî kêm 120 şah, serok û serokwezîr beşdarî merasîmê bibin.

Merasîma vekirinê ya ku wê li Parîsê bê lidarxistin, wê Keyanê Brîtanyayê Charlesê 3yem, Sekreterê Giştî yê Neteweyên Yekbûyî (NY) Antonio Guterres, Serokwezîrê Brîtanya Kieran Stammer, Serokwezîrê Almanya Olaf Schultz, Serokê Îtalya Sergio Mattarella, Serokkomarê Îsraîlê Îzak Herzog, Emîrê Qeterê Temim bin Hamed es-Sani, Serokwezîrê Yewnanîstan Kyriakos Mitsoutakis û First Lady’ya DYAyê Jill Biden jî beşdar bibe.