Serokomarê Îranê weke Cîgirê Berpirsê Karûbarên Stratejîk Cewad Zerîf destnîsan kir

PeyamaKurd – Medyaya fermî ya Îranê ragihand ku Serokê Herêma Kurdistanê Mesûd Pezeşkiyan Wezîrê Derve yê berê û mîmarê rêkeftina atomî ya Îranê Mihemed Cewad Zerîf weke cîgirê xwe yê berpirsê karûbarên stratejîk destnîşan kir.

Li gorî rapora ajansa nûçan a IRNAyê, Pezeşkiyan di nameya destbikarbûna xwe bo posta xwe ya nû de, ji Zerîf re gotiye: "Tu berpirsyar î ji şopandin û agahdarkirina min li ser geşedanên herî girîng ên neteweyî û navneteweyî û asta serkeftina di pêkanîna armancên destûrê de."

Zerîf, ku di navbera salên 2013 û 2021ê de di serdema serokomar Hesen Rûhanî de wezîrê karên derve bû, nêzîkî reformxwazan bû lê bi ti baskan ve girêdayî nebû.

Zerîf di kampanyaya hilbijartina Pezeşkiyan de kesekî sereke bû û di serkeftina serokomarê nû de roleke sereke lîst.