Serokwezîr Barzanî, ji bo malbata Omer Çawsîn sersaxî xwest

PeyamaKurd- Serokê Hikûmeta Herêma Kurdistanê Mesrûr Barzanî, ji ber koça dawî ya hunermendê Kurd Omer Çawşîn, peyameke sersaxiyê parve kir. Serokwezîr Barzanî diyar kir ku xizmeta Omer Çawşîn, di hunera Kurdî de zêde ye.

Serokwezîr Barzanî, ji ber koça dawî ya Omer Çawşîn, bi rêya peyamekê hêviyên sersaxiyê arasteyî malbat û kes û kerên Çawşîn kirin. Serokwezîr di peyama xwe de got,

“Ez sersaxiyê ji malbata hunermendê navdar ê şano û dramaya Kurdî Omer Çawşîn re dixwazim ku bi rêya berhemên xwe xizmeteke mezin ji hunera Kurdî re kiriye. Ez ji Xwedayê mezin hêvî dikim ku xwedêjêrazî bixwe mîhrebana xwe û giyanê wî bi bihuştê şad bike û sebir û aramiyê bide malbat û hevalên wî.”

Omer Çawşîn, di sala 1967an de bi hunermendê nemir Mekkî Ebdullah ê ku bi navê Rolî Defanî Elî tê naskirin, bûbû endamê Koma Lîstikvanan a Silêmaniyê.

Hunermendê ku gelek behrem li peyî xwe hiştin, duh bişev li Silêmaniyê koça dawî kir.

Berhemên Omer Çawşîn ên ku tevkariyê li hunera Kurdî kirine, ev in:

Axa şil kevn, Birêz Muftî, Jin bi jin, Maute Kauli Kay, Cejna Xwînî, Gorekî Bikole, Di hundurê me de kulmek heye, Hîleyên jinan, Li Çayxanê, Bilêt û Zava, Kirêdar, Têkilî, Ew dûr ket, Keç, Sê Kulîlkên Jakaw, Çavê Vîetnamê, Dilopên Xwînê, Mama Xema, Şêxê Defê Reş.