Sêwas | Otubuseke koçberan wergeriya: Mirî û birîndar hene

PeyamaKurd – Otubuseke koçberan li navçeya Til Garimo ya ser bi parêzgeha Sêwasê ya Bakurê Kurdistanê ve wergeriya û di encamê de 3 kesan can dane û 27 kes jî birîndar bûn.

Li gor zanyariyan, bûyer îro li ser rêya Meletî-Kayseriyê li navçeya Til Garimo ya Sêwasê çêbûye û otobuseke ku koçber vediguhestin wergeriyaye.

Hat ragihandin ku di encama bûyerê de 3 kesan can dan û 27 kes birîndar bûn.

Herwiha li ser agahdarkirinê hejmareke zêde ya tîmên tendirustiyê û polîs hatin şandin û tîmên tendirustiyê birîndar rakirin nexweşxaneyên cuda yên Sêwasê.