SOHR: Li Helebê serê çekdaran û hêzên rejîmê dijwar bûye

PeyamaKurd – Li derdora parêzgeha Helebê ya Sûriyê di çend rojên dawî de, şerê navbera komên çekdarên bi ser Tirkiyê ve û hêzên rejîma Sûriyê dijwar bûye.

Çavdêriya Mafên Mirovan li Sûriyê (SHOR) ragihandiye ku li herêma bêçek a rojavayê Helebê şerê navbera hêzên rêjîma Sûriyê û çekdaran bi dijwarî berdewam dike û her du alî jî bi çekên giran li hev didin.

SOHRê da xuyakirin, hêzên artêşa Sûriyê û komên alîgirên wê û çekdarên bi ser Tirkiyê ve li eniya Mêznaz û Kefer Nûranê yên rojavayê Helebê bi çekên giran şer dikin.

Hêzên Şamê gundên Tiqad û Kefer Tealê yên rojavayê Helebê û derdora bajarê Erîha yê Idlibê topbaran dikin.

SOHRê derbarê kuştî û birîndarên herdu aliyan de ti agahî belav nekirine.