Sûriyeyê ji Konseya Ewlekariyê re: Li ser êrîsên dawî yên Îsraîlê têkevin nava tevgerê

PeyamaKurd – Rêvebiriya Sûriyê ji Konseya Ewlekariyê ya Neteweyên Yekbûyî xwest, derbarê êrîşên dawî yên Îsraîlê de têkevin nava tevgerê. Wezareta Karên Derve ya Sûriyê di daxuyaniyekê de ragihand, êrîşa Îsraîlê li ser Balafirxaneya Navdewletî ya Şamê berdewamiya zincîreya kiryarên hovane yên li dijî Sûriyê û gelê wê ye.

Di daxuyaniya Wezareta Karên Derve ya Sûriyeyê de peyama "Êrîşa Îsraîlê ya li ser balafirgeha Şamê êrîşeke rasterast a li dijî welatê me ye" hat dayîn.

Di daxuyaniya ku li ser êrîşên dawî yên artêşa Îsraîlê hat dayîn de ev tişt hatin gotin:

"Êrîşa Îsraîlê ya îşev li dijî Balafirxaneya Navdewletî ya Şamê pêvekeke nû ye li ser tawanên Îsraîlê û ne tiştekî din e ji bilî derbeyeke rasterast li ser gelê wê ku bi biryarî berevaniyê li serxwebûn û yekparçebûna Sûriyê û xaka wê dike û li dijî destwerdana di karûbarên navxweyî de ye."

Banga rêveberiya Sûriyê ji Konseya Ewlekariyê ya Neteweyên Yekbûyî re!

Her wiha di daxuyaniyê de hat destnîşankirin, êrîşa nû ya Îsraîlê di demekê de pêk hat ku hemû gel bi hêviya normalîzebûn û kêmkirina qeyranan Newroz û Noelê pîroz dikin û wiha hat gotin: “Sûriyê ji Konseya Ewlekariyê ya Neteweyên Yekbûyî xwest êrîşên Îsraîlê şermezar bike. Tawan û êrîşan, dabînkirina garantiyan, kêmkirina qeyranan, daxwaz dike ku tedbîrên lezgîn ji bo cezakirina tawanbaran û rêgirtin li dûbarebûna vê bûyerê were girtin.