Swêd ji Yekîtiya Ewropa xwest ku Pasdarên Îranê bixin lîsteya rêxistinên terorê

PeyamaKurd - Serokwezîrê Swêdê Ulf Kristersson bang li welatên Yekîtiya Ewropa (YE) kir ku Supaya Pasdarên Îranê weke rêxistineke terorî pênase bikin. E daxwaz piştî ku çend êrîş li ser armancên Îsraîlê yên li Swêdê pêk hatin hat kirin û Stockholm di ber wan êrîşan de Îranê berpirs dibîne.

Saziya Îstixbarata Swêdê SAPO, Îran tometbar kir ku endamên komên tewankariyên li Swêdê ji bo encamdana kiryarên tundiyê dijî berjewendiyên Îsraîl û berjewendiyên din ên li Swêdê pêk tîne.

Serokwezîrê Swêdê Ulf Kristersson ji rojnameya Express re da xuyakirin: “Em dixwazin Swêd bi cîdî ligel welatên din ên Yekitiya Ewropayê pêwendiyên navbera Supaya Pasdaran û rola têkdana wê ya li navçeya Rojhilata Navîn, herwiha pêşxistina çalakiyan li çend welatên Ewropayê ku Swêd jî ji wan welatan e, divê çareser bike.”

Kristersson got: “Tekane bijardeya guncav ew e, em pênaseyeke hevbeş ji bo terorîstan diyar bikin, ku em bikarin di qebareyeke berfirehtir ji cezayên niha ve kar bikin.”