Televîzyona Îsraîlê: Pêsketin di danûstandinên di navbera Amerîka û Hamasê de

PeyamaKurd – Di danûstandinên di navbera DYA û Hamasê de derbarê pevguhertina rehîneyan bi Îsraîlê re pêşkeftinek hate ragihandin.

Îsraîl ragihand ku di hevdîtinên Nûnerê Taybet ê Karûbarên Rehîneyan ê Amerîkayê Adem Boehler û Serokê Hamasê Xelîl el-Hayya de pêşketin çêbûye, kanala televizyona dewletê ya Îsraîlê KAN ragihand.

Derbarê pêşketina danûstandinan de heta niha ti daxuyaniyek ji Hamas û Washingtonê nehatiye dayîn.

Ji aliyeke din ve nûçeyê belav kir ku nûnerê taybet ê Serokê Amerîkayê Donald Trump bo karûbarên Rojhilata Navîn, Steve Witkoff, roja Sêşemê wê serdana herêmê bike û li ser dirêjkirina qonaxa yekem a rêkeftina agirbestê ligel Hamasê gotûbêj bike.

Îsraîl wê sibê heyetekê bişîne Dohayê

Televîzyona dewletê ya Îsraîlê KAN ragihand ku di civîna lijneya wezîran a ku wê îro bê lidarxistin de erkên heyeta Îsraîlî ya ku hat ragihandin wê sibe ji bo muzakereyên agirbestê û pevguhertina rehîneyan li Xezzeyê bişînin Dohayê bên diyarkirin.

Di nûçeyê de hat ragihandin ku Wezîrê Karên Stratejîk Ron Dermer wê di heyeta Îsraîlê ya ku wê biçe Dohaya paytexta Qeterê de cih negire.

Di daxuyaniyekê de ku doh ji aliyê Ofîsa Serokwezîrê Îsraîlê ve hat belavkirin, hat ragihandin ku ji bo danûstandinên li ser agirbestê û pevguhertina rehîneyan li Şerîda Xezzeyê ku qonaxa yekem bi dawî bûye, lê danûstandinên qonaxa duyemîn hîn dest pê nekiriye, wê şandekê bişîne Dohaya paytexta Qeterê.

Hat ragihandin ku Îsraîlê vexwandina navbeynkaran di serî de DYA qebûl kiriye û biryar daye ku heyetekê bişîne Dohayê û ji bo muzakereyên di vê çarçoveyê de pêş bikevin wê sibê biçe Qeterê.

Hevdîtinên di navbera DYA û Hamasê de

Malpera nûçeyan a Amerîkî Axios ragihandibû ku Amerîka ji bo azadkirina dîlên Îsraîlî yên ku welatiyên Amerîkayê ne, rasterast bi Hamasê re danûstandinan dike.

Tel Avîv ji ragihandina rêveberiya Washingtonê ya ku ew bi Hamasê re rasterast danûstandinan dike ji bo serbestberdana rehîneyên li Şerîda Xezzeyê, nemaze yên xwedî hemwelatiya dualî ya Amerîkî-Îsraîlî, aciz bû.

Li gorî çapemeniya Îsraîlê, Wezîrê Karên Stratejîk ê Îsraîlê Ron Dermer ji Nûnerê Taybet ê Karûbarên Rehîneyan ê Hamasê Adam Boehler ê ku hevdîtinên bi rê ve dibe re axivî û got, "Ew li dij in ku Îsraîl bêyî razîbûna xwe pêşniyarekê bide Hamasê."

Rêveberiya Tel Avîvê ragihand ku piştî bidawîbûna qonaxa yekem a 42 rojî ya agirbestê û pevguhertina rehîneyan a bi Hamasê re, biryar daye ku ji 2ê Adarê pê ve ketina alîkariyên mirovî bo Xezzê rawestîne.

Di dema ku agirbest piştî binpêkirina Îsraîlê nediyar ma, hat ragihandin ku Nûnerê Taybet ê Karûbarên Rehîneyan ê Amerîkayê Adam Boehler li Qeterê bi rayedarên Hamasê re hevdîtin kiriye û li ser serbestberdana welatiyên Amerîkî yên dîl gotûbêj kirine.

Çavkaniyekî Filistînî ku ji AAyê re axivî û xwest navê wî bê eşkerekirin, diyar kir ku hevdîtina çend hefte berê ne ya ewil e û Hamasê ji rayedarê DYAyê re tekezî li ser pêwîstiya derbasbûna qonaxa duyemîn a peymana agirbestê kir.

Berdevka Qesra Spî Karoline Leavitt jî îdiaya ku DYA rasterast bi Hamasê re di nav danûstandinan de ye ji bo azadkirina girtiyên Amerîkî yên di destê Hamasê de piştrast kir.