Tirkiye | Serokê nû yê Bankaya Navendî hat eskerekirin

PeyamaKurd – Li gor biryarnameya Serokomariyê ya ku di Rojnameya Fermî da hat weşandin, Alîkarê Serok Fatîh Karahan wek Serokê Bankaya Navendî ya Komara Tirkiyeyê (CBRT) hat tayînkirin.

Bi Biryara Tayînkirinê re Seroka Bankaya Navendî ya Komara Tirkiyeyê Hafîze Gaye Erkan ji wezîfeyê hat girtin û li şûna wî Alîkarê Serok Fatîh Karahan hat tayînkirin.

Erkana ku ev 8 meh in Seroka Bankeya Navendî wezîfedar bû diyar kir ku îstifa kiriye.

Fatih Karahan kî ye?

Dr. Fatih Karahan piştî ku li Zanîngeha Bogazîçiyê di Beşên Matematîkê û Endezyariya Pîşesaziyê de xwendina xwe ya zanîngehê qedand, li Zanîngeha Pensilvanyayê mastera xwe û doktoraya xwe ya aborî di beşa aborî de qedand.

Karahan, ku di sala 2012an de li Bankeya Reserve ya Federal a New Yorkê dest bi kariyera xwe ya pîşeyî kir, deh salan li wir di postên krîtîk ên wekî Serokê Lêkolînên Ked û Bazara Hilberan û şêwirmendê siyaseta diravî de xebitî.

Di heman demê de li Zanîngeha Columbia û Zanîngeha New Yorkê wekî mamosteyekî nîvdahnî xebitî.

Herî dawî Karahanê ku di sala 2022an de li Amazonê wek ekonomîstê payebilind dest bi xebatê kir, di demeke kin da wek Seraborîzan hat tayînkirin.