Trump: Amerîka hewla rawestandina serê Azerbaycan û Ermenîstanê dide

PeyamaKurd – Li ser şerê di navbera Azerbaycan û Ermenistanê de Donald Trump daxuyaniyek weşand û da zanîn, Amerîka hewla rawestandina pevçûna di navbera her du aliyan de dide.

Donald Trump diyar kir: “Em gelek ji nêz ve çavdêriyê dikin, peywendiyên me yên baş li herêmê hene û em ê binerin bê em karin şer rawestînin an na.”

Di encama şerê di navbera Azerbaycan û Ermenistanê de, heta niha 16 serbaz û çend welatiyên sivîl can dan. Ev encam, ji sala 2016an ve, şer û pevçûna herî tund a di navbera her du aliyan de ye.

Şerê di navbera Azerbaycan û Ermenistanêde, ji ber çend deverên li ser sînorê her du welatan derket, ku her du welat jî ji mêj ve ew dever weke devera xwe dibînin.