Ukrayna: Di hefteya dawî de zêdetirî 37 kîlometreyî hat rizgarkirin

PeyamaKurd – Cîgira Wezîrê Parastinê ya Ukraynayê Anna Malyar ragihand, qada ku li rojhilat hatiye rizgarkirin di hefteya dawî de 9 kîlometre û li başûr jî 28,4 kîlometre zêde bûye.

Cîgira Wezîra Parastinê ya Ukraynayê Anna Malyar di daxuyaniya xwe ya li ser hesabê xwe yê medyaya civakî de, geşedanên hefteya dawî yên li eniyên rojhilat û başûr nirxand.

Malyar diyar kir, artêşa Ukraynayê li rojhilat hem êrîşên xwe hem jî yên berevaniyê didomîne û wiha got, "Em di aliyê Bahmutê de bi pêş ve diçin. Dijmin li aliyê Port, Avdiyivka û Marînkayê êrîşên xwe didomîne."

Malyar destnîşan kir, Rûsyayê hewl da ku leşkerên Ukraynayê yên di van aliyan de ji çeperên wan derxînin, lê ew hatin xelatkirin.

Malyar bal kişand ku pevçûnên dijwar ên li van aliyan dewam dikin û wiha got: "Di encama başbûna rewşa operasyonê û xerabûna eniya şer di hefteya dawî de, qada ku hatiye rizgarkirin 9 kîlometreçargoşe zêde bûye."

Malyar amaje bi wê yekê jî kir ku hêzên Rûsî di heftiya borî de êrişên xwe yên li rojhilat duqat zêde kirine û got, di heftiya borî de 6 hezar û 457 êrîş hatine tomarkirin û ev hejmar heftiya borî bû 11 hezar û 753.

Malyar destnîşan kir, hêzên berevaniyê yên Ukraynayê li başûr operasyonên xwe yên êrişî li ser hêlên Melîtopol û Berdyanskê didomînin, Malyar got, deverên ku li eniya başûr hatine rizgarkirin di hefteya borî de 28.4 km2 zêde bûne.