Ûkrayna û Rûsyayê bi dronan êrîsî hev kirin!

PeyamaKurd - Li bajarê Zaporizhia yê li başûrê Ûkraynayê di encama êrîşên balafirên bêmirov ên Rûsyayê de 2 kes birîndar bûn.

Servîsa Lezgîn a Dewletê ya herêma Zaporizhia diyar kir ku di êrîşan de 20 xanî zirar dîtine û 3 şewat derketiye û ji bermahiyên dronên keşfê xisareke mezin, malên taybet û boriyeke ceyranê ya bi tansiyona kêm ketiye.

Herwiha eşkere kir, “Em li odeyê rûniştibûn û li televîzyonê temaşe dikirin, ji nişka ve teqînek rû da, her kes gêj bû û mudaxele kir. Paşê em derketin derve da ku em lê binêrin. Cîranekî me yê ku banê xwe tamîr dikir jî birîndar bû."

Artêşa Ûkraynayê herwiha ragihand ku Rûsyayê 74 balafirên bêmirov avêtine ser Poltava, Sumy, Kharkiv, Cherkasy, Chernihiv, Kyiv, Dnipropetrovsk, Zaporizhia, Kirovohrad, Kherson û Mykolaiv.

Di daxuyaniyê de hat destnîşankirin ku 47 balafir hatine xistin û 27 balafir jî ji radarê wenda bûne.

Li gorî rayedarên herêmî bi kêmî ve heft kes di êrîşeke drone ya Ûkraynayê de li herêma Tambov serê Şemiyê li Rûsyayê birîndar bûn.

Waliyê Tambovê yê bi wekalet Yevgeny Pervyshov di kanala xwe ya Telegramê de got, camên du avahiyên apartmanên pênc qatî yên li bajarê Kotovskê şikestin û eywanên wan zerar dîtin.