Ukraynayê bi çekên NATOyê li axa Rûsyayê xist!

PeyamaKurd – Ukrayna êrîşa yekem yekser piştî wergirtina destûra bikaranîna çekên rojavayî li ser axa Rûsyayê kir.

Ukrayna êrîşa xwe ya yekem piştî wergirtina destûra bikaranîna çekên ku ji Rojava kirî li ser axa Rûsyayê pêk anî. Di vê êrîşê de pergala parastina hewayî ya Rûsyayê S-300 hedef girt.

Serokê Rûsyayê Vladimîr Pûtîn di daxuyaniya xwe ya dawî de gef xwaribû û gotibû, "Eger destûr bê dayîn ku Ukrayna çekên NATOyê bi kar bîne, divê Rojava ji şerê nukleerî re amade be."

Bi têkçûna êrîşa Ukraynayê ya havîna borî, şer di berjewendiya Rûsyayê de dimeşe. Rûsya ji aliyekê ve bi girtina Çasiv Yar armanc dike ku xeta keresteyên Ukraynayê bibire û ji aliyê din ve jî bi tundkirina êrîşên xwe yên li Xarkovê hewl dide leşkerên Ukraynayê lawaz bike. Piştî ku şer li dijî Ukraynayê derket, Ukraynayê ji Rojava destûr xwest ku çekan li ser axa Rûsyayê bi kar bîne.

"Bertekên Rojava û pêvajoya destûrê"

Kîev dixwest li ser sînorê Xarkovê li ser avahiyeke leşkerî ya Rûsyayê bixe, lê ji ber nerazîbûnên Rojava nekarî. Li Ewropayê, Fransa, Îngilîstan û Polonyayê destûr dan Ûkraynayê ku çekên xwe li ser axa Rûsyayê bi kar bîne, Almanya jî hişyartir bû û DYA jî lingê xwe bi rêveberiya Biden re dikişand. Dihate fikirîn ku ev tevger xetereya kişandina Rojava di nava şer de heye.

Lê ev rewş di encama zextên Komarparêzên DYA û Ewropayê de guherî. Serokê Dewletên Yekbûyî yên Amerîkayê Joe Biden destûr da Ukraynayê ku çekên Amerîkî tenê li nêzî Kharkiv bikar bîne. Lê belê moşekên ATACMS yên menzîl dirêj ên ku dikarin 300 km dûr bixin, di vê destûrê de cih negirtin. Ukrayna di van êrîşan de wê bikaribe moşekên GMLRS yên bi menzîla wan bi qasî 70 km bi kar bîne.