Wezareta Pêsmerge: Niha ji berê zêdetir pêwîstî bi hêzên hevpeymaniyê heye

PeyamaKurd - Berpirsê medya û hişyariya niştimanî li Wezareta Pêşmerge Osman Mihemed bal kişand ser êrîşên dawî yên DAIŞê û got, niha ji berê zêdetir pêwîstî bi hêzên hevpeymaniya navdewletî heye.

Osman Mihemed gotiye, ji destpêka sala bê ve rola hêzên Amerîka li Kurdistan û Iraqê ji şerker vediguhere şîretkarî û rahênanê.

Osman Mihemed ji BasNewsê re daye xuyakirin, hêzên hevpeymaniya navdewletî ya dijî DAIŞê xwedan şiyaneke baş in loma me pêwîstî bi şiyan û hebûna wan heye.

Berpirsê Wezareta Pêşmerge behsa zêdebûna êrîş û çalakiyên DAIŞê kir û got, di rewşeke wiha de pêwîstî bi hêzên hevpeymaniya navdewletî zêdetir e û divê mîna her car li eniya pêş ya şer bin.

Li ser hemahengiya navbera Pêşmerge û artêşa Iraqê jî Osman Mihemed da zanîn, tişta ku di şerê DAIŞê de girîng e, nehiştina bîr û fikra DAIŞê ye.