Wezîrê Derve yê Iraqê: Em pistgiriya agirbestê dikin

PeyamaKurd – Wezîrê Derve yê Iraqê Fuad Husên diyar kir ku ew piştgiriyê didin pêşniyara agirbestê ya Serokê Amerîkayê Joe Biden ji bo rawestandina şerê li Xezzeyê.

Fuad Husên roja 6ê Hezîranê li paytext Bexdayê bi Serokwezîrê Filistînê Mihemed Mistefa re civiya. Piştî hevdîtina dualî, civîna çapemeniyê ya hevpar li dar xistin.

Fuad Huseyîn diyar kir ku di hevdîtinê de rewşa aborî, civakî û ewlekarî ya li tevahiya herêmê di serî de Şerîda Xezze û Şerîeya Rojava hatiye gotûbêjkirin û wiha got:

"Di derbarê berdewamiya şerê li Xezzeyê de fikarên mezin hene, lê ji bo piştgirîkirina doza Filistînê jî gelek înîsiyatîfên girîng ên herêmî û neteweyî hene."

"Em înîsiyatîfa Serok Biden ji bo bidawîkirina şerê li Xezzeyê qebûl dikin û piştgirî dikin," Huseyn got, ew destpêşxerî wekî "girîng û erênî" binav kir ku divê were lêkolînkirin.

Wezîrê Karên Derve Huseyîn diyar kir ku divê şerê li Xezzeyê bê rawestandin û alîkariya ji bo gelê Xezzeyê û Filistîniyan bê zêdekirin.