Wezîrê Parastinê yê Amerîkayê Austin: Agirbesta li Lubnanê pêngaveke dîrokî ye

PeyamaKurd – Wezîrê Parastinê yê Amerîkayê Lloyd Austin agirbesta di navbera hikûmetên Lubnan û Îsraîlê de weke “pêngaveke dîrokî” bi nav kir.

Li gor daxuyaniya nivîskî ya Wezareta Parastinê ya Amerîkayê (Pentagon) Austin agirbesta ku di navbera Lubnan û Îsraîlê de ji aliyê Serokê Amerîkayê Joe Biden ve hat ragihandin, nirxand.

Austin agirbesta li Lubnanê wekî “pêngaveke dîrokî" bi nav kir û got, “Bi saya vê yekê bi deh hezaran sivîlên Lubnan û Îsraîlê dikarin bi ewle vegerin malên xwe.”

Austin bal kişand ser piştgiriya xwe ya ji bo “mafê xweparastinê” yê Îsraîlê û got ku ew ê bi hevkarên navneteweyî û nav saziyan re ji bo piştgirîkirina pêkanîna agirbestê bixebitin.

Austin xwest ku ev agirbest ji bo Xezeyê bibe “hêviyek” û destnîşan kir ku divê em li ser başkirina şert û mercên însanî yên li Xezeyê berdewam bin.

Austin her wiha diyar kir ku ew bi biryar in ku hemû girtiyên li Xezeyê bên berdan.