Wezîrê Derve yê Yûnanistanê serdana Tirkiyeyê dike

PeyamaKurd – Hate ragihandin ku Wezîrê Derve yê Yûnanistanê Yorgo Gerapetritis, bi serdaneke fermî diçe Tirkiyeyê.

Li gorî zanyariyên medya Tirk, dê Gerapetritis roja 5ê Îlonê serdana Tirkiyeyê bike û ligel Wezîrê Derve yê Tirkiyeyê Hakan Fîdan bicive.

Hatiye diyarkirin ku wê di vê serdana xebatê de, pêwendiyên dualî yên têkildarî herdu welatan û mijarên herêmî werin gotûbêjkirin.