Wezîrê Karên Derve yê Îsraîlê, serdana Ukraynayê kir

PeyamaKurd- Li gorî agahiyên hatin ragihandin, Wezîrê Karên Derve yê Îsraîlê Eli Cohen, piştî destpêkirina şerê navbera Rusya û Ukraynayê,  cara yekemîn serdana Ukraynayê kir.

Di agahiyên ku di çapemeniya Ukraynayê de hatin ragihandin de hat diyarkirin ku ji ber salvegera şerê navbera Rusya û Ukraynayê nêzîk dibe, cara yekemîn ji aliyê Îsraîlê ve serdanek ji bo Ukraynayê tê kirin.

Hat diyarkirin ku Wezîrê Karên Derve yê Îsraîlê Eli Cohen, di serdana xwe ya fermî de derbasî Kieva paytexta Ukraynayê bû û li wê derê bi Serokê Dewleta Ukraynayê Volodimir Zelenskiy re hevdîtin pêk hanî.

Di agahiyên hatin ragihandin de hat diyarkirin ku Cohen, bi Wezîrê Karên Derve yê Ukraynayê Dmitro Kuleba re jî hevdîtin kir û li ser hesabê xwe yê medyaya civakî, ev agahî parve kirin:

"Me bi hevkarê xwe Wezîrê Karên Derve yê Ukraynayê Dmitro Kuleba re hevdîtinek xweş kir. Em spasiya wî dikin ku em alîkariya xwe ya ji bo Ukraynayê berdewam dikin û piştgiriyê didin însiyatîfa aştiyê ya Ukraynayê. Rayedarên Neteweyên Yekbûyî (NY) gotibûn: ‘Me xebatên ku em dikarin bikin ji bo zêdekirina hevkariyê û her wiha têkoşîna li dijî terorîzma Îranê gotûbêj kirin.’ Îsraîl dê îro jî wekî berê, li cem Ukraynayê bimîne."