Wezîrê Karên Derve yê Rûsyayê sibê serdana Tirkiyê dike

PeyamaKurd – Wezîrê Karên Derve yê Rûsyayê Sergey Lavrov, roja Çarşemê serdana Tirkiyê dike û wê di serdana xwe de li ser Ukrayna û Sûriye gotûbêjan bike.

Li gor zanyariyan Wezîrê Karên Derve yê Rûsyayê Sergey Lavrov serdana Tirkiyê dike û egereke zêde jî du mijarên sereke li ser maseya gotûbêjê dibin. Ew jî hevahengiya Moskow û Enqerê ji bo destûrdan û organîzekirina hinardekirina genimê depokirî yê Ukraynayê ji sayloyên Odesa û benderên din ên ser bi Deryaya Reş û gihandina genim ji bo bazarên cîhanê ku di rêya avî ya Tirkiyê re derbas dibin.

Herwiha tê çaverêkirin ku rewşa Sûriyê û êrîşa çaverêkirî ya Tirkiyê ya li ser Rojavayê Kurdistanê û Bakurê Sûriyê jî bên gotûbêjkirin.