Wezîrê Karûbarên Derve yê Swîsrê îro serdana Iraqê dike

PeyamaKurd – Wezîrê Karûbarên Derve yê Swîsrê serdana Iraqê dike û li Bexdayê bi berpirsên payebilind ên Iraqê re dicive.

Wezareta Karûbarên Derve ya Iraqê bi beyanameyekê diyar kir, îro Wezîrê Karûbarên Derve yê Swîsrê Ignazio Kassis dê bigîhe Bexdayê.

Li gor heman beyanameyê, Ignazio Kassis dê bi Wezîrê Karûbarên Derve yê Iraqê Fuad Husên re bicive û civîneke çapemeniyê jî dê li dar bixin.