WSJ | Qeterê ji Hemasê re got: ‘Yan agirbestê qebûl bikin yan jî terka Dohayê bidin’

PeyamaKurd – Li gorî ragihandina medya Amerîkî Mîrnişîna Qeterê ultîmatom daye lîderên Hamasê û ji wan re gotiye, yan hûnê plana agirbestê ya Serokê Amerîkayê Joe Biden pêşniyar kiriye qebûl bikin yan jî cemidandina mal û milkan, dersînorkirina ji Dohayê û girtina li benda we ye.

Weşana CNN û Wall Street Journal (WSJ) ev du roj in îdia dikin ku Mîrnişîna Qeterê bang li rêbertiya siyasî ya Hemasê kiriye, "Yan hûnî pêşniyara Amerîka û Îsraîlê qebûl bikin, yan jî wê terka Qeterê bidin”.

Li aliyê din hin çavkaniyên Erebî jî diyar kirine ku ew nûçe û îdia nerast in.

Herwiha ji aliyê xwe Serokwezîrê Îsraîlê Binyamîn Netanyahû jî dibêje, plana agirbestê ya Biden û ya wan cuda ye û diyar dike, “Daxwaziyên me ji pêşniyarê cudatir in”.

Netanhyahî piştî pêşniyara Biden gotibû, ew dê bi agirbestê dawîkirina şerê Xezeyê qebûl neke.