Xebatkarên rêveberiya Biden li ber Qesra Spî banga agirbesta lezgîn li Xezzeyê kirin

PeyamaKurd – Komek xebatkarên rêveberiya Biden ji bo protestokirina êrîşên bêserûber ên Îsraîlê yên li Xezzeyê li hev civiyan û li ber Qesra Spî banga agirbesta lezgîn li Xezzeyê kirin.

Endamên olên cuda ku do êvarê li ber Qesra Spî li hev civiyan û di gelek astên rêveberiyê yên rêveberiya Bîden de wezîfedar bûn, bang li rêveberiya Biden kirin ku mudaxeleyî agirbesta li Xezzeyê bike.

Bi pankarta "Serok Biden, xebatkarên we daxwaza agirbestê dikin" hilgirtin, mûm pêxistin û li ser erdê peyva "agirbest" bi Îngilîzî nivîsandin.

Karmendên rêveberiya Biden di daxuyaniya xwe ya nivîskî de got, "Agirbesta demkî 13 roj berê qediya û em bi tirs dibînin ku bombebaran, kuştin û koçkirina bi darê zorê ya sivîlên Filistînî yên li Xezzeyê berdewam dike."

Di daxuyaniya ku ji aliyê Josh Paulê ku ji Wezareta Karên Derva ya Amerîkayê îstifa kiribû da hat xwendin, hat diyarkirin ku agirbesta demkî tu carî têr nake, li hemberî êrîşên Hamasê yên di 7ê Cotmehê de bertekên Îsraîl ên bêhevseng nayê qebûlkirin û zêdeyî 1 milyon kes ji cih û warên xwe bûne.

Piştre girseyê navê Filistîniyên ku ji 1ê Kanûnê ve di êrîşên Îsraîlê de li Xezzeyê jiyana xwe ji dest dabûn bi dengekî bilind xwendin û ji bo bîranîna kesên jiyana xwe ji dest dabûn gul danîn.