Zêdebarîna berfê li gundewarê Serhedê jiyanê rawestand

Peyama Kurd -  Li parêzgehên bakurê Kurdistanê Wan, Mûş, Colemêrg û Bedlîsê, ji ber zêdebarîna berfê rêyên 80 gundî hatin girtin.

Li gelek herêmên Bakurê Kurdistanê, barîna berf û baranê berdewam dike û bandoreke neyînî li jiyana rojane dike.

Şaredariya Wanê ragihand ku li parêzgehê ji ber zêdebarîna berfê rêyên 492 gundan hatine girtin lê piştî xebatên rêvekirinan rêyên 439 gundan hatine vekirin û ji bo vekirina rêya 53 gundan jî xebat berdewam in.

Li parêzgeha Mûşê jî piştî barana gur berfê dest pê kir.

Sekreterê Giştî yê Rêveberîya Taybet a Bajar a Mûşê Şeyhmus Yentur diyar kir ku li tevahiya parêzgehê ji ber zêdebarîna berfê, rêyên 55 gundan hatibû girtin û piştî xebatan rêyên 52 gundan hatine vekirin.

Rêveberîya Taybet a Bajar a Colemêrgê jî da zanîn ku ji ber zêdebarîna berfê duh rêyên 74 gundan hatibûn girtin û di encama xebatan de rêyên 65 gundan hatine vekirin.

Rêveberîyê da zanîn ku tîmên tekoşîna bi berfê re, ji bo vekirina rêyên 9 gundan jî xebatên xwe didomînin.

Rêvebirê Pêdivîyên Rê û Veguhestinê ya Rêveberiya Taybet a Bajar a Bedlîsê Umît Kurtkan jî ragihand ku li tevahiya parêzgehê ji ber zêdebarîna berfê rêyên 60 gundan hatibûn girtin û 45 ji wan hatine vekirin. Umit Kurtkan ragihand ku xebatên vekirina rêyên 15 gundan berdewam dikin.