Zerîf: Em ji bo avakirina hikûmeteke yekitiya nistimanî dixebitin

PeyamaKurd – Mihemed Cewad Zerîf, serokê komîteya kargêrî ya veguhêz a hikûmeta nû ya Îranê ragihand, ku hikûmeta serokomarê hilbijartî Mesûd Pezeşkyan wê nebe hevpeyman. Zerîf tekez kir ku navenda karê tîma veguhêz hikûmeta “yekîtiya netewî” ye.

Wezîrê Derve yê berê Zerîf di daxuyaniya xwe ya ji bo televizyona dewletê de diyar kir ku di hikûmeta nû de navên ku berovajî gotinên serokomarê hilbijartî nebin, cih nagire. Zerîf di daxuyaniya xwe de wiha got: “Gel tenê dengê xwe daye kesekî û ew ê kesên beşdarî axaftina xwe bûne bîne cem hev. Ev pêkhate ne koalîsyon e, hikûmeta yekitiya netewî ye.”

Lê Şêwirmendê Têkiliyên Çandî yê Rêberê Bilind ê Îranê Gulam Elî Hedad ragihand ku ji bo Adil, Serokê Meclîsê Mihemed Baqir Qalîbaf û namzedê ultra muhafazakar Seîd Celîlî dawetname hatine şandin ku lîsteya navên pêşniyarkirî pêşkêşî wezaretan bikin.

Zerîf herwiha eşkere kir ku dawetname ji bo partiyên reformxwaz û nerm hatine şandin ku di nav wan de Serokkomarê berê yê reformxwaz Mihemed Xatemî, Serokê berê yê reformxwaz Hesen Rûhanî û Serokê berê yê parlementoyê Elî Ekber Natîk Nûrî jî hene.

Zerîf behsa beşdarbûna “civaka sivîl û gel di hilbijartinên kabîneyê de” kir û got ku “komek ji nûnerên kêmneteweyên etnîkî û beşên civakê di nava komên xebatê de çalak in.”