Serokwezîrê Haîtiyê Henry îstifa kir

PeyamaKurd – Di dema ku tundî û xwepêşandanên tund li Haîtiyê berdewam dikin, serokwezîr Ariel Henry ji posta xwe îstifa kir.

Serokomarê Guyanayê û Serokê Demî yê Civaka Karayîp (CARICOM) Îrfaan Alî di daxuyaniya xwe de diyar kir ku piştî lihevkirina li ser avakirina meclîsa serokatiyê ya demkî û tayînkirina serokwezîrê demkî îstifaya Serokwezîr Arîel Henrî hat qebûlkirin.

Serokên 25 welatên endamên CARICOMê civîneke awarte li dar xistin û li ser kirîza ewlekariyê ya Haîtîyê gotûbêj kirin.

Piştî hevdîtinê hat ragihandin ku Henry ku ji 5ê Adarê û vir ve ji ber hincetên ewlehiyê li Porto Rîkoyê li bendê bû, biryara îstifakirina xwe ji CARICOMê re ragihandiye.

Di nûçeyên ku di çapemeniya herêmî de hatin weşandin de, hat diyarkirin ku li welatê ku tundî berdewam dike, çeteyan bi ser 2 qereqol û Wezareta Karên Hundir de girtin, lê ji aliyê polîsan ve hatin şikandin.

Li Haiti, kolan kaotîk bûn piştî ku Serokwezîr Ariel Henry çû Nairobi, paytexta Kenya, da ku li ser şandina hêzek ewlehiyê ya pirneteweyî ji welêt re nîqaş bike[HMJ1].

Di serdegirtina 2 girtîgehan de ku çeteyên îstifa Henry xwestin, 12 kesan jiyana xwe ji dest dan û herî kêm 4 hezar girtî reviyan.

Ji ber zêdebûna tundiyê, li tevahiya welêt 72 saetan Rewşa Awarte û qedexeya derketina derve hat ragihandin û bi hezaran kes ji cih û warên xwe bûn.