30 rêber li Parîsê ji bo Ukraynayê dicivin

PeyamaKurd – Wê 30 rêber, bi beşdariya Serokê Ukraynayê Volodymyr Zelensky, îro li Parîsê bicivin da ku zêdekirina alîkariyên leşkerî ji bo Ukraynayê, destpêşxeriyên agirbestê û berpirsiyariyên wan ên potansiyel ên di avakirina aştiyê de ligel Rûsyayê gotûbêj bikin.

Alîkarê Serokomarê Tirkiyê Cevdet Yilmaz û Sekreterê Giştî yê NATOyê Mark Rutte û lîderên welatên Ewropayê jî wê beşdarî lûtkeyê bibin.

Macron soza 2 milyar euroyî alîkariya leşkerî dide Ukraynayê

Li gorî nûçeya Reutersê, Serokomarê Fransayê Emmanuel Macron ku soza 2 milyar euroyên din jî wek alîkariya leşkerî dabû Ukraynayê, doh êvarê di civîna çapemeniyê ya ligel Zelenskiy de got, "Beriya her tiştî em ê alîkariya lezgîn a ji bo Ukraynayê gotûbêj bikin.”

Zelenskiy got dibe ku welatên din jî îro pakêtên alîkariyê ragihînin.

DYA û Rûsyayê nerazîbûn nîşan dan

Rayedarên Fransî diyar kirin ku encamên lûtkeya ku DYA lê beşdar nebû, wê bi rêveberiya DYAyê re bê parvekirin. Rayedaran diyar kirin ku ji bo ewlekariya ewlekariya welatên Ewropayê ya ji bo Ukraynayê, li şûna şandina leşkeran ji ber sedemên wekî îmkanên siyasî û lojîstîkî û îhtîmala dijberiya DYA û Rûsyayê ya li dijî planan, li şûna şandina leşkeran dest bi nirxandina alternatîfan kirine