Afganistan | Di nav mizgefta herî mezin a Kabûlê de teqîn çêbû

PeyamaKurd – Hat ragihandin ku îro Çarşemê li Mizgefta Pol Xaştî ya herî mezin a  paytexta Afganistanê Kabulê teqînekê rû da.

Ajansa Amag News a Afganî bi zarê polîsê Tevgera Talîbanê ragihandiye ku teqîn di encama bombeyeke destan de pêk hatiye.

Herwiha li gorî zanyariyên çavkaniyên xwecihî, di teqînê de 6 kes birîndar bûne û teqîn dema nimêjê çêbûye.

Derbarê berpirsiya teqînê de ti hurgilî nehatin belavkirin.