Afganistan | Êrîsî wesayîta Talîbanê kirin: 20 kustî û birîndar...

PeyamaKurd – Hat ragihandin ku li wîlayeta Herat a rojavayê Afganistanê, wesayîteke leşkerî ya çekdarên Tevgera Talîbanê tê de bûn, rastî êrîşeke hejmarek çekdarên nenaskirî hat.

Li gorî ragihandina kanala Tilû News a Afganistanê, di encama êrîşa ku nehatiye zanîn bê êrîşkar çi kes in de, 3 kes hatine kuştin û 17 kes jî birîndar bûne.

Herwiha Ajana Herat News jî li gorî çavkaniyên xwecihî ragihandiye ku di wê êrîşê de18 kes hatine kuştin û 2 kes jî birîndar bûne.

Hatiye diyarkirin ku êrîşkar 3 kes bûne û pêşî bombeyeke destan avêtine wesayîta leşkerî û piştre gule li kesên tê de reşandine ku heman çavkaniyan daye zanîn, yek ji êrîşkaran hatiye kuştin, du kesên din jî reviyane.