Almanya plan dike ku erka xwe ya leskerî li Herêma Kurdistanê dirêj bike

PeyamaKurd – Balyozê Giştî yê Almanyayê li Hewlêrê Albert von Wittk ragihand ku, pêwendiyên navbera welatê wî û Herêma Kurdistanê di asteke baş de ne û hêvî xwest hilbijartinên 20ê Cotmehê bên kirin, bi awayekî azad û dadperwerane werin encamdan.

Balyoz Giştî yê Almanyayê yê li Hewlêrê di pêşwaziya ku di çarçoveya Cejna Netewî ya Almanyayê de li Hewlêra paytext bi amadebûna Serokê Herêma Kurdistanê Nêçîrvan Barzanî hat lidarxistin de daxuyaniyek da.

Balyozê Giştî yê Almanyayê jî xwest ku hilbijartinên Parlamentoya Kurdistanê bi awayekî azad û şefaf bên kirin û got ku hevkarî û pêwendiyên Almanya li gel Herêma Kurdistanê pêşdetir bûne û Hikûmeta Almanya daxwaz ji Parlamentoyê kir ku erkê xwe yê leşkerî li Hewlêrê dirêj bike ji bo 15 mehên din.

Albert von Wittk  diyar kir, “Pêwendiyên Almanyayê ji nêzîk û dûr li gel Iraqê û bi taybetî Herêma Kurdistanê hene. Hevkariya Almanya li gel Herêma Kurdistanê berdewam e.” Balyozê giştî bal kişand ser wê yekê ku ew di warê siyasî û aborî de bi hev re kar dikin û di serdanên bilind de jî bi awayekî aktîf danûstandina nêrînan dikin.

Albert von Wittk amaje bi wê yekê jî kir ku îsal deh sal e ku Almanya û Iraq bi hev re ji bo pêşxistina peywendiyên xwe yên çandî û Herêma Kurdistanê jî di nav de, kar dikin û got, “Li ser ewlehiyê hemahengiya me heye, DAIŞ hîn jî gef e li ser ewlehiya cîhanê. Parlamentoyê got ku leşkerên li Hewlêrê li ser erkê xwe ne û got, "Wî pêşniyar kir ku dema 15 mehên din were dirêjkirin, parlamento dê vê mehê biryarê bide."