Almanyayê kestiya Rûsyayê desteser kir!

PeyamaKurd – Rojnameya Almanî Der Spiegelê ragihand ku hikûmeta Almanî dest daniye ser tankerekê ku li Deryaya Baltik noqî avê bûye û pêwendiya wê bi “fîloya rûsî ya siyê re” re heye.

Karbidestên gumrikê yên Alman di 14ê Adarê de dest danîn ser tankera Eventin a bi ala Panamayê.

Tankera ku ji bendera Ust-Luga ya Rûsyayê di ser Deryaya Baltîkê re diçû Misrê, ji nîvê Çileyê vir ve li Roegenê lenger kiribû.

Ji ber metirsiya rijandina petrolê, tanker ji aliyê Sassnitzê ve ji aliyê Ewlekariya Peravê ya Alman û polîsên federal ve hat şopandin.

Piştî biryara desteserkirina Midîriyeta Giştî ya Gumrukê, Almanyayê xwediyê keştiyê û barên wê yên bi buhayê 40 milyon euroyî (nêzîkî 100 hezar ton nefta xav) girt.

Berdevkê Wezareta Darayî ya Alman ji Reutersê re got,

 “Tededbîrên gumrikê hîn bi rengekî qanûnî neqediya ne, rêwîtiya din qedexe ye.”

Her weha pê de çû:

“Pêvajoya din a di derbarê keştî û bar de niha ji hêla rayedarên berpirsiyar ve tê vekolîn kirin.”

Li gorî Der Spîegelê, hikûmeta Almanyayê bi desteserkirina Eventinê armanc dike ku peyamekê bide Rûsyayê ku ew ê sewqiyata petrolê ya bi ser Deryaya Baltiqê re nehêle.

Di mehên dawî de, gemiyên fîloya siyê gumanbar in ku operasyonên sabotajê li Deryaya Baltîqê dikin û zirarek mezin didin kabloyên binê deryayê.