Almanyayê bangawaziya derxistina hemû hêzên biyanî û çeteyan kir

PeyamaKurd – Hikûmeta Almanyayê, bangawaziya derxistina hemû hêzên biyanî û çeteyan ji Lîbyayê kir.

Serokwezîra Almanyayê Angela Merkel banga derxistina hêz û çeteyan û pêkanîna agirbesta mayinde kir, herwiha piştgiriya welatê xwe ji bo pêvajoya aştiyê ya Lîbyayê derbirî.

Balyozxaneya Alman ya li Lîbyayê jî têkildarî mijarê daxuyanî da û diyar kir: “Angela Merkel, piştgiriyê dide Hikûmeta Lîbî da ku amadekariya ji bo hilbijartinên nîştimanî yên 24 Kanûnê bike.”

Li gorî balyozxaneyê, Merkel û serokê Hikûmeta Lîbî Ebdulhemîd El-Debîbe, di guftûgoyên do de, dosyaya koçbûna nerewa, dozên herêmî, geşedanên aborî û gavên pêşerojê yên pêvajoya siyasî nîqaş kirin.

Tevî van bangên hundir û derve, heya niha tu kişandina leşker û çeteyan nehatiye tomarkirin.