Amerîka: DAIS hewil dide bi hezaran çekdarên xwe ji girtîgehên HSDê birevîne

PeyamaKurd – Li Amerîkayê di civîneke taybet a komîteya ewlekariya neteweyî de, xeteriya berdewam a DAIŞê hat gotûbêjkirin.

Rêveberê Navenda Niştimanî ya Amerîkayê li dijî Terorê Christopher Miller, di civînê de got, çekdarên DAIŞê tevî ku derb xwarine jî li cîhanê hê jî “stratejiyeke êrîşkar a cîhanî” dimeşînin.

Mîller diyar kiriye, DAIŞ bandorê li ser 20 komên çekdar ku piraniya wan li parzemîna Afrîkayê ne dike.

Mîller dide xuyakirin, tevî kuştina xelîfeyê DAIŞê Ebû Bekir El-Baxdadî, êrîşên çekdaran nehatine rawestandin û bi taybet jî li gelek welatên Afrîkayê êrîşan dikin.

Rêveberê Navenda Niştimanî ya Amerîkayê li dijî Terorê destnîşan kir, armanca herî girîng a çekdaran ew e ku bi hezaran çekdar û malbatên wan ên li bakurê Sûrî girtî ne, birevînin.