Amerîka: Erka me, li rojhilatê Sûriyê serê dijî DAISê ye

PeyamaKurd - Sererkanê Amerîkayê Mark Milley ragihand ku planeke wan a wiha nîne car din li Sûriyê leşkeran ‎li herêmên nêzîkê sînorê Tirkiyê bicih bikin.‎

Wezîrê Berevaniyê yê Amerîkayê  Mark Esper û sererkanê Amerîkayê General Mark Milley li ‎Komîteya Xizmetên Çekdarî ya Encûmena Nûneran a Amerîkayê derbarê budçeya berevaniyê ya 2021ê ‎de bersiva pirsan dan.‎

‘Berî êrîşa Tirkiyê leşkerên me ji herêmê vekişiyan’

Derbarê hebûna leşkerên Amerîkayê de li Sûriyê, Serokerkanê Amerîkayê Mark Milley, ragihand ku ‎berî êrîşa Tirkiyê bo ser bakurê rojhilatê Sûriyê, leşkerên wan ji herêmê vekişiya ne û ligel destpêkirina ‎êrîşê leşkerên nêzîkê sînor bo rojhilat hatine veguhestin.‎

Milley got: “Erkê me yê li Sûriyê neguheriye. Erkê me, li rojhilatê Sûriyê şerê dijî DAIŞê ye. Herwiha ti ‎plan û nêteke me ya wiha nîne careke din leşkeran li ser sînorê navbera Tirkiye-Sûriyê bicih bikin.”‎

‘Sedemek nîne ku em leşkeran ‎bişînin herêma ser sînor’

Wezîrê Berevaniyê yê Amerîkayê Mark Esper jî da zanîn ku armanca Amerîkayê li Sûriyê ew e li ‎navçeyên petrolê careke din DAIŞ zindî nebe û got:

“Di qonaxa niha de sedemeke wiha xuya nake ku em car din leşkeran ‎bişînin herêma ser sînor.”‎