Bexda | Koma milîsên Îranî berpirsiya kustina welatiyê Amerîkî li xwe girt

PeyamaKurd – Koma milîsên çekdar ên nêzîkî Îranê Saraya Ehl El-Kehf, berpirsiya kuştina welatiyê Amerîkî Stephen Troell ku şeva borî li Bexdayê hatibû kuştin, li xwe girt.

Koma milîs a bi navê Saraya Ehl El-Kehf, îro Sêşemê 8ê Mijdarê berpirsiya kuştina Stephen Troell ragihand û diyar kir, wan tola kuştina Fermandarê Feyleqa Quds a Pasdarên Îranê Qasim Silêmanî û Cîgirê Serokê Heşda Şeibî Ebû Mehdî El-Muhendis standiye.

Hemwelatiyê Amerîkî yê bi navê Stephen Troell, şeva 7ê Mijdarê li taxa Kerade ya bajarê Bexdayê bi sûîqestekê hatibû kuştin.

Stephen Troll ê 45 salî li Bexdayê tevî hevjîn û 3 keçikên xwe bicih bûbû û bi rêxistineke alîkariyê re kar dikir.

Piştî kuştina Troll Serokwezîrê Iraqê Mihemed Şiya Sûdanî fermana avakirina komîteyeke lêkolînê bo kuştina wî dabû.