Bi çavdêriya Mesrûr Barzanî li îdareya serbixwe ya Soran 3 projeyên elektrîkê dest bi kar dikin

PeyamaKurd - Bi raspartin û çavdêriya serokê hikûmeta Herêma Kurdistanê Mesrûr Barzanî 3 projeyên elektrîkê li îdareya serbixwe ya Soranê têne çêkirin ku ji bo wê 7 milyon dolar hatiye cudakirin.

Wezareta elektrîkê ya Kurdistanê îro Yekşemê eşkere kir, sibe 10ê Çile di bin çavdêriya serokê hikûmeta Herêma Kurdistanê Mesrûr Barzanî de, bi merasîmekê 3 projeyên girîng ên elektrîkê ku 7 milyon dolar ji bo wê hatiye cudakirin, li Soran dest bi kar dike.

Projeyên têne çêkirin ev in:

- Guhertina xetên têlên fişara wê zêde ya di navbera rawesteka Şeqlawa – Xelîfanê, bi dirêjeyiya 37 kîlometreyan

- Rakêşana xetekî nû ya 132 KV li Xelîfan – rawesteka Soran bi dirêjayiya 16 kîlometreyan

- Berfireh kirina rawesteka Soran bo du xetan.