Biden, meha Remezanê li alema Îslamê pîroz kir

PeyamaKurd- Serokê Amerîkayê Joe Biden, meha Remezanê li alema Îslamê pîroz kir. Biden, di peyama xwe de bal kişand ser karesatên erdhej û lehiyan û rewşa ziyandîtiyên van karesatan.

Joe Biden di peyama xwe de got ku “Em ê li cem gelên Tirkiye û Suriyeyê yên ku di erdhejên dawîn ên wêrankir de gelek hezkiriyên xwe ji dest dan û gelê Pakistanê yê ku piştî karesata lehiyê ya havîna par jiyana xwe ji nû ve ava kir, bisekinin."

Em wekî Amerîka, piştgiriya xwe ya ji bo civakên misilman ên ku di vê heyama pîroz a ferasetê de rastî zehmetî û wêrankirinê hatin, dubare dikin. Wekî Amerîka, em ê bi hevkarên xwe re bi misilmanên bindest re bin ku di nav wan de Uygurên li Komara Gel a Çînê, Rohingya li Burmayê û civakên din ên misilman ên ku li derdora wan tên çewisandin hene.”

Biden tekezî li ser alîkariyên Amerîkîyên misilman ji bo wî welatî, ji zanist û teknolojiyê bigire heta huner û akademî, ji qanûn û derman bigire heta bazirganî û burokrasiyê, pabendbûna xwe ya avakirina neteweyek wekhevtir, dadperwer û tolerans kir.

Biden bang li hemû misilmanên Amerîka û cîhanê kir ku meha Remezanê ji bo wan bi xêr û xweşî be.