Biryarên Lûtkeya NATO hatin eskere kirin: Swêd û Fînlandiya bi fermî hatin vexwendin

PeyamaKurd – Sekreterê Giştî yê NATO Jens Stoltenberg, encamname û biryarên Lûtkeya NATO ya Madrîdê, bi civîneke rojnamevanî eşkere kir.

Steltenberg ragihand ku welatên Swêd û Fînlandiyayê bi fermî bo nav NATOyê hatin vexwendin û ji bo lihevkirin û rakirina astengiyên endamtiya her du welatan jî spasiya Tirkiyê kir.

Sekreterê Giştî yê NATOyê ragihand ku wan li ser konsepta stratejîk a heta 2030yan di pratîkê de be li hev kiriye û wê alîkariyên leşkerî bo Ukraynayê jî dewam bikin.

Çend biryarên ji aliyê Stoltenberg ve hatine eşkere kirin wiha ne:

*Em ê hêza xwe ya destwerdana lezgîn derxin ser 300 hezar leşkeran.

*Rûsya gefeke rasterast e bo NATOyê. Divê Rûsya derhal dawî li şer bîne û ji Ukraynayê vekişe.

*NATOyê li ser pakêta nû ya alîkariyê li hev kir. Wê piştevaniya me ya bo Ukraynayê dewam bike.

*Çalakiyên Çînê ji bo ewlehî û berjewendiyên me gef in.

*Em spasiya Tirkiyê dikin ku rêya endamtiyê ji bo Fînlandiya û Swêdê vekir.

*Wê piştevaniya siyasî bo Gurcistan, Moldova û şirîkên din were bihêzkirin.