Brîtanyayê dorpêç danî ser 7 berpirsên bilind ên pasdarên Îranê

PeyamaKurd – Hikûmeta Brîtanyayê, ji ber binpêkirinên mafên mirovan dorpêç danî ser 7 rêveberên bilind ên pasdarên Îranê û fînansorên wan.

Di daxuyaniya hikûmeta Brîtanyayê de hatiye gotin: “Brîtanya dorpêçan li ser fermandarên bilind ên Sûpaya Pasdarên Îranê û fînansorên wan disepîne.”

Di çarçoveya dorpêçên hatine eşkerekirin de, 5 endamên fonda pasdarên Îranê û du fermandarên bilind têne cezakirin.

Wezareta Xezîneya Amerîkayê jî beriya niha, tevî kompaniya petrokîmya ya Îranê dorpêç danîbû ser 20 keştiyên Îranê.