Çapemeniya Asyayê: Tirkiye derkeve, dê derbe li tifaqê bikeve

PeyamaKurd- Di çapemeniya Asyayê de li ser hegera ku Tirkiye ji endamtiya NATOyê derkeve, analîzek hat parvekirin. Li gorî vê analîzê, ger ku tiştek wisa bibe, dê derbeyek mezin li tifaqê bikeve.

Di derbarê nîqaşên ku piştî aloziyên li ser aciziyên S-400î derketin pêş û nirxandinên ‘Gelo dibe Tirkiye ji NATOyê derkeve?’ nirxandinek jî ji qada Asyayê hat kirin.

Li gorî çapemeniya Asyayê, di hegereke wisa de dê NATO ji aliyê leşkerî ve yek ji hevkarên xwe yên herî mezin û bihêz wenda bike û ev yek jî dê bibe sedema derbeyeke mezin a li tifaqa NATOyê.

Di analîza ku bi sernavê “Tirkiye ji bo NATOyê çima sûdewar e?” de van hûrgiliyan hatin parvekirin:

1-Tirkiye, hevkarek xwedî stratejiyeke girîng ê li xaça Ewropa û Asyayê ye û xwedî artêşa herî mezin a duyemîn a NATOyê ye û yek ji çend endamên xwedî artêşên profesyonel e.

2-Tirkiye, hevkarek girîng ê aboriyê ye û di aboriyên herî mezin ên cîhanê de di rêza 16an de ye û ev jî ji bo NATOyê bazareke girîng e.

3- Tirkiye, xwedî demokrasiyeke biryardar e. Ji bo di herêma NATOyê de piştgiriya biryardariyê bê kirin, hevkarek bi nirx e.

4-Tirkiye, bi piranî welatekî misilman e û ji ber vê yekê jî ji bo pêşvebirina pêwendiyên NATOyê û welatên Misilman, hevkarek bi nirx e.