Çekdarên girêdayî dewleta Tirkiyê 4 welatiyên din ji Efrînê revandin

PeyamaKurd – Çekdarên girêdayî dewleta Tirkiyê, yek jê jin, 4 welatiyên din ji Efrînê revandin.

Malpera Efrîn Postê daye zanîn, çekdaran bi hincetên berê amadekirî jina bi navê Esmaa Ehmed Heyder ya ji gundê Kitix yê navçeya Mabata revand û birin cihekî ne diyar.

Hat eşkerekirin, çekdaran beriya vê du caran Esmaa revandibûn û di berdêla berdana wê de pere sitendibûn.

Herwiha 3 welatiyên din jî ji aliyê çekdaran ve ji navçeya Raco hatin revandin û çekdaran ew birin cihekî ne diyar .

Navên kesên hatine revandin wiha ne;

Behcet Ibrahîm yê 24 salî ji navçeya Raco.

Izet Ehnmed Hemo yê 70 salî ji gundê Dimilya ê navçeya Raco.

Reşîd Xelîl Sîdo yê 48 salî ji gundê Qoçman yê navçeya Raco.