Çemçemal | Di qezaya trafîkê kesekî can da

PeyamaKurd – Li ser rêya di navbera bajarokê Tekye û bajarokê Axçelerê de, 4 wesayît li hev qelibîn û di encamê de kesekî can da û 9 kesên din jî birîndar bûne.

Doh (12.12.2024) ragihandina rêveberiya trafîka Çemçemalê got: “Îro êvarê 4 wesayît li hev qelibîn.”

Herweha aşkera kir ku ew bûyer li ser rêya navbera bajarokê Tekye û yê Axçelerê pêk hatiye û di encamê de kesekî can daye û 9 kesên din jî birîndar bûne ku ji birîndaran 2 kes ji bo nexweşxaneyên Silêmaniyê hatine veguhestin.