Cenazeyê ciwanê ku di Gola Wanê de wenda bûbû pistî 8 rojan hat dîtin

PeyamaKurd – Cenazeyê ciwanê ku di 20ê Hezîranê de ji bo hênik bibe ket Gola Wanê û tê de wenda bû, hat dîtin.

Lêgerîna Ahmet Hilmî Hanalp ê 22 salî ku li nêzî Girava Çarpanak a ku bi hevalên xwe re çûbû navçeya Tuşbayê dema di golê de avjenî dikir wenda bû îro jî berdewam kir.

Ekîbên Fermandariya Ewlehiya Peravê ya Gola Wanê, Lêgerîn û Rizgarkirina Binê AFADê, Midûriyeta Polîsan, ekîbên Midûriyeta Îtfaiyê ya Şaredariya Bajarê Mezin di golê û qeraxê da xebitîn.

Cenazeyê ciwanê bê can ê ku bi robotê binê avê (ROV) ekîba divingê ya Fermandariya Ewlekariya Qeraxê di kûrahiya 22 metreyan de li peravên Gola Wanê hat tesbîtkirin, ji aliyê ekîban ve ji avê hat derxistin û teslîmkirin. Ekîbên Tenduristiyê yên Lezgîn 112 li qeraxê li bendê ne.

Cenazeyê Hanalp ji bo otopsiyê birin morga Saziya Tiba Edlî.