Cenazeyê Nasrallah wê di 23ê Sibatê de bê definkirin

PeyamaKurd – Sekreterê Giştî yê Hîzbullahê Naîm Qasim ragihand ku wê merasîma cenazeyê Sekreterê Giştî yê Hîzbullahê Nasrallah ku ji aliyê Îsraîlê ve hat qetilkirin di 23ê Sibatê de were lidarxistin.

Serokê Hizbullahê Qasim di peyameke vîdyoyî de têkildarî dagirkeriya Îsraîlê ya li başûrê Lubnanê û merasîma cenazeyên rêveberên berê yên Hizbullahê daxuyaniyek da.

Qasim diyar kir ku artêşa Îsraîlê ji başûrê Lubnanê dest bi vekişînê kiriye û got, "Dîmenên vegerê yên li başûr azadiya gelan nîşan dide."

Qasim destnîşan kir ku dewleta Lubnanê berpirsiyar e ku binpêkirin û êrîşên Îsraîlê bişopîne û ji bo van êrîşan zextê li dewletên navbeynkar bike û wiha got: "Berxwedan rê û hilbijartin e. Em ê di dema guncav de li gorî tercîha xwe tevbigerin."

Qasim diyar kir ku merasîma cenazeyê Nasrallahê ku 32 salan pêşengiya Hamasê kiribû dê di 23ê Sibatê de were lidarxistin. Wî diyar kir ku Haşim Safiyyuddin ku piştî 4 rojan ji aliyê Îsraîlê ve hat kuştin, dê bi heman merasîma cenazeyê Sekreterê Giştî yê Hizbullahê were veşartin.

Qasimê ku xwest di merasîma cenaze de gule neyê berdan, diyar kir ku wê merasîm bi dirûşma "Em bi peymanê re girêdayî ne" bê lidarxistin.