Çîn, bi rêya deryayî ket nav sînorê Japonyayê

PeyamaKurd- Li Deryaya Çînê ya Rojhilat, ji aliyê hêzên Çînê ve tevgereke xeternak hat kirin û li gorî ragihandina rayedarên Japonyayê, Çîn bi rêya deryayî ketiye nav sînorê Japonyayê.

Li gorî daxuyaniya ji aliyê Gerînendehiya Ewlekariya Peravê ya Navçeya 11emîn a li eyaleta Naha ya Okinawayê, 2 keştiyên ewlekariya peravê yên Çînê, ketine avên xaka Japonyayê ya li derdora Giravên Senkaku yên nakokbar ên li Deryaya Çînê ya Rojhilat û bi vî awayî serweriya avên xaka neteweyî ya Japonyayê hatiye binpêkirin.

Hat ragihandin ku hêmanên Ewlehiya Peravê ya Japonyayê, tevî ku hişyarî dabûn keştiyên Çînî da ku ji herêmê derkevin, ewlehiya keştiyên masîgiran misoger kirine.

Li Deryaya Çînê ya Rojhilat, 5 girav û 3 zinar hene ku di mulkiyetê de aîdê Japonyayê ne lê belê Çîn jî li ser doza mafê xwe dike. Li ser van giravên ku kes lê najî, nîqaşên serweriyê demeke dirêj in berdewam dikin.