Daxuyaniya Sêwirmenda Esed li ser 'Tirkiyê': Tu mafê wê tune ewlehiya xwe di nav sînorên welatekî din de biparêze

PeyamaKurd – Şêwirmenda Payebilind a Serokomarê Sûriyeyê Buseyna Şabanê, derbarê operasyona hewayî ya ku Hêzên Çekdar ên Tirkiyeyê (TSK) li bakurê Sûriyeyê da destpêkirin de daxuyanî da û diyar kir: “Mafê tu welatekî tune di nav sînorên welatekî din de ewlehiya xwe biparêze.”

'HINCETÊN BÊBİNGEH TÊN BIKARANÎNIN'

Li gorî nûçeya SANAyê Şaban îdia kir, "Dagirkeriya Tirkiyeyê ji bo meşrûkirina hebûna terorîstên ku di bin sîwana xwe de li bakurê rojhilatê Sûriyeyê tevdigerin, hincetên bêbingeh bi kar tîne" û "Tirkiye pabendî sozên xwe yên li hemberî Rûsyayê nebû." Şaban da zanîn, Enqere li Sûriye û Iraqê 'ji bo bigihêje armanca xwe argûmanan çêdike' û got, "Armanca şerên bi pêşengiya rojava pêk tînin, welatan ji hundir ve parçe bike û li dijî wan blokên herêmî ava bike."

Îdiaya 'Kampa El Holê bûye hedef'

Ji aliyê din ve do hat îdiakirin ku Artêşa Tirkiyê bajarê herî mezin ê parêzgeha Hesekê Qamişlo bombe kiriye. Hat îdiakirin ku derdora kampa El Holê ku nêzî 60 hezar kes ji malbatên çekdarên DAIŞê pêk dihatin hedef girtin.

Berdevkê Çapemeniyê yê Hêzên Sûriyeya Demokratîk (HSD) Ferhat Şamî diyar kir, HSD hewl dide çekdarên DAIŞê yên reviyan bigire.