Daxuyaniya Soylu ya li ser teqîna li Diyarbekirê

PeyamaKurd – Wezîrê Karên Navxweyî Suleyman Soylu derbarê teqîna ku li Diyarbekirê di dema derbasbûna wesayîta trafîkê ya ku polês tê de bû de daxuyanî da.

Soylu da zanîn, 5 kesên ku hat diyarkirin bersûcên bûyerê ne hatin binçavkirin û got, kesê ku lêpirsîn lê hat kirin qebûl kir ku wesayit aniye vir û bombe daniye. Kesê di sala 2004an de dema birayê wî di nav rêxistina terorê de bû ji aliyê hêzên me yên ewlehiyê ve hat bêbandorkirin."

Soylu pirsên rojnamegeran bersivand û got, bombe bi ji dûr ve hatiye teqandin û wesayît hatiye kirêkirin. Rojnamegerê ku li ser cureya bombeyê pirsek kir wiha bersiv da, "Piştî nirxandinê cureya bombeyê tê ragihandin. Hûn ji min çêtir hûrguliyan dizanin."

Soylu got: "Di nava saetekê de Midûriyeta Emniyeta me ya Diyarbekirê hem kesê ku ev maşîne li vir hiştiye û hem jî yê ku bombe li ser rêya Licê bi cih kiriye de girtin. Di cih de lêpirsîn li wan hat vekirin û kesê lêpirsîn li wan hat vekirin qebûl kir ku maşîne aniye vir û bombe daniye.

Kesê ku di sala 2004an de dema birayê wî di nav rêxistina terorê de bû ji aliyê hêzên me yên ewlehiyê ve hat bêbandorkirin. Di çarçoveya lêpirsînê de 5 kes niha di binçavan de ne. Li gorî agahiyên hatine bidestxistin, wê operasyona me berdewam bike. Em ê derfetê nedin rêxistinên terorê yên ku dixwazin aramiya me xera bikin. Ev têkoşîn wê heta dawiyê bidome. Rojhilat û başûr wê dewlemend bin. PKK wê tine bibe, têkoşîna me wê bidome."